LAOAG CITY – Binallaagan ni Iranian Foreign Minister Hossein Amir-Abdollahian ti Israel a nasken a saandan nga ituloy ti aniaman a plano a panangrautda.
Inpasiguradona nga aniaman nga addang ti Israel a panangrautda kadakuada ket saanda nga agpangadua nga ilaban ti pagilianda.
Inaramid ti opisial ti Iran ti rakurak iti panagatendar daytoy iti taripnong iti United Nation Security Council.
Maipalagip nga ad-adalen ti Israel ti panangibales kalpasan a rinautda ti drone ken missile ti Iran iti napalabas nga aldaw.
