LAOAG CITY – Immapela ni Philippine Coast Guard Commandant Rear Admiral Ronnie Gil Gavan iti House of Representatives a lippasen dagus ti imbestigasion maipapan iti gentleman’s agreement iti nagbaetan da dati a Presidente Rodrigo Duterte ken Chinese President Xi Jin Ping maipanggep iti isyu iti West Philippine Sea.
Iti panagdengngeg ti House Committee on National Defense and Security kaduana ti Special Committee on the West Philippine Sea.
Rinugianen ita nga aldaw ti panagdengngeg pakaseknan iti nasao nga isyu.
Inlawlawag ni Admiral Gavan, no pabayagen pay ti imbestigasion ti Kamara ket posible daytoy a mangitunda ti panagsisina dagiti Pilipino ken makaigapu pay ti pannakatikaw kadagiti naka-deploy a kameng iti ground.
Kabayatanna, kwinestionaran dagiti sumagmamano a kongresista ti saan a panagatendar dagiti dati nga opisial ti Duterte administration iti nasao a panagdengngeg.
Inkiddaw pay ni ACT Teachers Partylist Rep. France Castro a nasken a maimbitaran iti panagdengngeg ni dati a Presidente Rodrigo Duterte.
