LAOAG CITY – Naburak ti maysa a Chinese fitness influencer ti Guinness World Record kalpasan ti panag-pull-ups na iti 44 a daras iti uneg ti maysa a minute.
Ni Xie Ting, agtawen ti 44, ti nakagun-od ti female version iti nadakamat a titulo.
Inimatangan met a mismo dagiti pannakabagi ti Guinness ti pananggandat ni Xie Ting a magun-od ti titulo na idiay Guangdong.
Naagaw na ti titulo manipud iti American athlete a ni Inga Simning, a nakaaramid ti 39 a pull-ups iti las-od ti maysa a minuto idi 2022.
Kabayatanna, inbatad ni Xie Ting nga iti laksid a nagun-od na ti titulo ken kalikagom na pay a mapadur-as ti record na.
Innayon na nga iti sumaruno a pananggandat na iti daytoy ket artapan na ti bukod na a rekord.
