LAOAG CITY – Ginutigot ti Philippine Medical Association (PMA) ni Presidente Ferdinand “Bongbong” Marcos Jr. nga ipaayan ti publiko ti access dagiti new-generation dengue vaccine, kalpasan ti panagngato dagiti kaso a dengue iti intero a pagilian.
Iti maysa a surat a maipatulod ken ni Marcos, inpetteng ti Philippine Medical Association a ti dengue ket agtalinaed a dakkel a krisis iti salun-at ti publiko no sadinno a ti Pilipinas ti makairekrekord ti kangatoan a bilang dagiti kaso ken pimmusay iti Southeast Asia.
Bigbigbigen ti Philippine Medical Association ti ‘5S’ strategy ti gobyerno kontra iti dengue, ngem inpaganetget ti grupo a kasapulan ti nayun nga addang, karaman ditoyen ti panagbakuna.
Maipalagip a dagiti kaso ti dengue iti Pilipinas ket dakkel ti nagngatoan na ita a tawen no sadinno nga umaboten iti 28,234 ti nairekord ita a tawen, ngimmato iti 40% manipod iti nairekord a kaso iti isumetlaeng a panawen idi 2024.
