LAOAG CITY – Nagtalinaed a kritikal ngem stable ti kasasaad ti salun-at ni Pope Francis.
Basar iti Vatican, awanen ti mapaspasaranna nga acute respiratory episode ken stable ti kasasaad ti hemodynamic paramaters-na.
Manarimaan a banbantayan dagiti doktor ti prognosis wenno ti resulta ti sakit ti Santo Papa.
Naammoan a dumaldalan pay ti CT scan tapno mamonitor ti bilateral pneumonia ni Pope Francis.
Nakaawat met ti agtawen ti 88 nga Argentinian Pope ti Eukaristiya ken itultuloyna ti trabaho daytoy.
Amin a laboratory test daytoy ket naaddaanen ti improvements ken saanen a makapadanag ti kidney insufficiency no sadinno nga awan ti sarday ti oxygen therapy ken oxygen levels.
Agtultuloy ti panag-rosaryo dagiti opisial ti Vatican tunggal alas-9 ti rabii a nangrugi idi Lunes pakairamanan ti panagbisita dagiti tattao tapno mangipaay ti kararag iti alisto a panagimbag ti Santo Papa.
