LAOAG CITY – Nalpasen ti panagay-ayam ni Pinay tennis star Alex Eala iti ITF 1st Empire Women’s Indoor 2025 a naisayangkat idiay Trnava, Slovakia.
Inabak isuna iti maikadua a round ni Celine Naef ti Switzerland iti score a 4-6, 6-2, 6-3.
Nagbalin a pamilyar iti tunggal maysa kadakuada idi naglabanda iti 2023 WTA Canberra Challenger qualifying round.
Iti umuna a set ket nagun-od ni Eala ti panangabak ngem apaman a simrek iti maikadua a round ken maikatlo a round ket ad-adda pay a pimmigsa ti Swiss tennis player ken saanen a nakasubbot pay ni Eala.
Daytoyen ti maikatlo a gundaway iti pannakaabak ti agtawen ti 19 a Pinay tennis star ita a 2025.
