LAOAG CITY – Umabot iti 37 a tattao ti natay iti panagdinnungpar ti dua a pampasahero a bus iti highway iti southern part ti Bolivia, karaman ditoy ti walo a menor de edad.
Malaksid kadagiti natay ket adda pay ti 41 a sabsabali dagiti nasugatan ken agtultuloy dagitoy a maag-agasan iti ospital.
Basar kadagiti otoridad, daytoy ti kagrabean nga aksidente ti bus iti pagilian ita a tawen.
Karaman pay kadagiti natay ket lima a gangannaet a Peruvians ken maysa nga agtawen ti tallo nga ubing a babai a German.
Naamoan a napasamak ti insidente iti akikid a kalsada iti Bolivia.
Kinumpirmaran ni prosecutor Gonzalo Aparicio a ti driver ti maysa kadagiti bus ket nabartek ken napaspasa ti panagpataray na a nangitunda ti panag-overshoot daytoy iti bangir a linya nga isu met ti ayan ti nakasabat na a bus a nagresulta ti panagdinnungpar da.
