LAOAG CITY – Ad-adalen ti Department of Agriculture (DA) ti pannakaipasdek kadagiti dadakkel a solar-powered ice plants tapno masolbar ti nalabes a pannakadadael dagiti agricultural products.
Iti babaen ti inisyal a plano, inbatad ni Department of Agriculture Sec. Francisco Laurel Jr. a mabalin a mangilatang ti Philippine Fisheries Development Authority ken Bureau of Fisheries and Aquatic Resources ti bukudda a pundo para kadagiti planta.
Segun iti sekretario, nangato ti ‘spoilage’ dagiti high value crops ditoy pagilian ken dumanon pay iti 35% agingga 40%.
Kabayatanna, babaen kadagiti dadakkel a planta ti yelo ket ket mabalin a masuplayan dagiti farm manipud iti storage agingga iti merkado no inton ano a mailako dagitoy.
