LAOAG CITY – Inlungalong ti Department of Agriculture (DA) ti pannakaiyimplementar ti nangatngato a taripa iti imported pork, kalpasan a bimmaba ti farmgate prices para kadagiti live hogs iti P120 agingga iti P160 iti kada kilo.
Inbatad ni Agriculture Secretary Francisco Tiu Laurel Jr. nga ikagkagumaan ti Department of Agriculture nga ipatungpal ti trade measures tapno masuportaran dagiti local hog raisers, iti baet ti panagbaba ti farmgate prices.
Kuna na a pagsasaritaan da daytoy a banag kadagiti economic managers iti pagilian.
Ti agdama a taripa para iti imported pork ket 15 percent para iti in-quota shipments ken 25 percent para iti out-quota imports agingga iti 2028, nababbaba ngem ti napalabas a 30 percent in-quota ken 40 percent out-quota.
