LAOAG CITY – Nagballaag ti Department of Health (DOH) iti publiko nga ag-practice ti good hygiene iti baet ti ngumatngato a kaso ti Hand, Foot and Mouth Disease (HFMD).
Nakairekord ti Department of Health ti 7,598 a kaso ti Hand, Foot and Mouth Disease iti nagbaetan ti Enero 1 ken Pebrero 22, nga arig namitlo a daras a nangatngato maidasig iti bilang dagiti kaso a nairekord a dumanon iti 2,665 iti kapada a panawen idi 2024.
Nupay kasta, nababbaba daytoy maidasig iti sumurok 2,500 a kaso a nairekord iti maysa a lawas idi Pebrero 2023.
Kaaduan wenno 52% kadagiti kaso ti Hand, Foot and Mouth Disease idi 2025 ket nairekord iti Central Luzon, MIMAROPA, Metro Manila ken Cordillera Autonomous Region (CAR).
Naammoan nga adda ti 56% wenno 4,225 a kaso ti naapektaran kas dagiti ubbing nga agtawen ti uppat ken agpababa idinto a 2,069 a kaso dagiti agtawen ti lima agingga iti siam.
