LAOAG CITY – Inrakurak ti Sang Panlungsod ditoy ciudad ti Laoag a saan paylaeng a mabalin nga agsubli dagiti ambulant vendors iti dati a puesto da iti laud a paset ti Paco Roman St. nga abay ti kapitolyo probinsial.
Segun iti konseho, adda manen ti manarimaan a construction activity a maisaysayangkat iti kapitolyo probinsial isut gapuna nga inpalgak iti presiding officer nga awan ti maaramidan da no saan a ti mangiyuray a malpas ti konstruksiyon tapno maimplementar ti kalikagum ti lokal a gobierno iti ciudad.
Immunan nga inrekomendar ti Business Permit and Licensing Office ditoy ciudad ti Laoag nga agsubli dagiti ambulant vendors iti dati wenno laud a paset ti Paco Roman St. nga abay ti Kapitolio Probinsial, partikular iti agdama a pwesto dagiti tricycle.
Segun kenkuana, babaen iti daytoy a singasing ket saan a maistorbo ken maserraan dagiti pasdek negosio a nagpwestoan dagiti ambulant vendors.
