LAOAG CITY – Naduktalan ti Ilocos Norte Electric Cooperative (INEC) nga adda to 600 a Member-Consumers nga unaccounted wennu saan nga agbaybayad.
Segun kenni Acting General Manager Perry Martinez, saan nga agpada ti bilang dagiti Member-Consumers a masapol a masingir ken dagiti masingsingir.
Inlawlawagna a nu saan nga agpapada dagitoy a datos ket sumsumrek daytoy iti system loss, no sadinno a daytoy ket maipasa kadagiti Member-Consumers.
Kunana a ti system loss ti Ilocos Norte Electric Cooperative iti agdama ket 10.5 % no sadinno a ti 6% manipod iti daytoy ket technical systems loss gapu kadagiti daanen a linya isut gapuna nga adda ti mapukawan ti kuryente, ken ti nabati a 4.5% ket rumrumwar a takaw a kuryente, a no saan a masingir ket agbalin a system loss.
Innayon na nga adda pay ti pukaw ti Ilocos Norte Electric Cooperative gapu ta ti ginatang na a 30 Million a KWH iti San Miguel iti kada bolan ket ti laeng sumrek iti kooperatiba ket 28 milyon.
