LAOAG CITY – Intantan ni United States President Donald Trump ti panangipataw ti taripa kadagiti produkto manipud idiay Canada ken Mexico.
Daytoy nga addang ket kagiddan ti naisayangkat a panagsarita da Trump ken Mexican President Claudia Sheinbaum ken ti negosasion iti nagbaetan dagiti opisial ti Canada ken Estados Unidos.
Inbatad ni Trump nga immannugot a saan nga agbayad ti dua a pagilian maibasar iti United States-Mexico-Canada Agreement.
Maipatungpal laeng ti nasao a taripa inton Abril 2.
Ti United States-Mexico-Canada Agreement ket maysa a katulagan nga inlungalong ni Trump iti immuna a terminona.
Daytoy ket mangipasimudaag a maysa a free trade zone ti tallo a North American countries.
Nagyaman ni Sheinbaum ni Trump gapu iti panangrespetar iti United States-Mexico-Canada Agreement ken inpettengna nga amin a produkto manipud idiay Mexico ket sakupen ti nasao a katulagan.
