LAOAG CITY – Ngimmato pay ti pakabuklan nga utang ti gobierno ti Pilipinas iti P16.31 trillion iti panagngudo ti Enero 2025, basar iti datos ti Bureau of Treasury (BTr).
Nangatngato daytoy ti P261.47 billion wenno 1.63% maidasig idi Disiembre 2024 gapu ta ad-adu ti nautang ti gobierno ken ngimmato ti balor ti utang iti dolyar ti pagilian gapu iti panagkapsot iti balor ti piso.
Naobserbaran ti Treasury a ti balor ti piso ket kimmapsot ti P58.375 iti panagngudo ti Enero 2025 manipud iti P57.847 iti panaglippas ti 2024.
Iti pakabuklan, adda ti 67.9% ditoy ket manipud iti pang-uneg nga utang idinto a ti nabatbati a 32.1% ket manipud iti pangruar nga utang.
Iti panaglippas ti Enero, ngimmato iti P11.08 a trilyon ti pang-uneg nga utang idinto a ngimmato met iti P5.23 a trilyon ti utang iti ballasiw-taaw.
