LAOAG CITY – Tinesting ti Commission on Elections ti kapasidad ti ‘trusted build’ iti pilot online voting ken counting system da para iti May 12 midterm elections.
Nakipaset iti daytoy dagiti miembro ti Commission on Election, Technical Evaluation Committee ken election observers kas ti Parish Pastoral Council for Responsible Voting ken National Citizens’ Movement for Free Elections.
Inbatad ni Commission on Election Chairman George Garcia a daytoyen ti maudi a panangtesting da iti sistema da seknan iti source code.
Namnamaen ti komisyon a mangiparuk-at ti sertipikasyon para iti Automated Election System kalpasan iti daytoy.
Inpakaammo pay ni Garcia a maysa nga international certifier ti sumangpet ita a lawas tapno imatangan ti sealing ti source code, kalpasan na ket ideposito daytoy iti Bangko Sentral ng Pilipinas.
Ti sertipikasyon ket maisumitir iti Technical Evaluation Committee,maysa a independent body a bukbuklen dagiti indibidwal manipod iti poll body, Department of Science and Technology, ken Department of Information and Communications Technology.
