LAOAG CITY – Nakagun-od iti dua a pammadayaw iti lokal a gobierno ditoy ciudad ti Laoag kabayatan iti naiyuswat a kinni-kinni parade ditoy probinsia kas selebrasyon ti International Women’s Month.
Daytoy ti inpakaammo ni Ms. Mary Joan Pasigui, Focal Person ti Local Comitte Against Trafficking -Violence Against Women & their Children ditoy suidad ti laoag.
Segun ken ni Pasigui, nagun-od da iti Best Kinni-kinni Group ken Most Colorful Group, no sadinno a daytoyen ti maikatlo a gundaway a magun-od da ti nasao a pammadayaw.
Inlawlawagna a dagiti nagbasaran iti pannakaipaay ti nasao a pammadayaw ket ti napintas, aggigiddan ken dagiti bado a nausar kabayatan ti parada.
Inbatad na a resulta daytoy iti panagkikinnamayet ken iti agtultuloy a suporta a maipapaay kadakuada babaen iti lokal a gobierno ditoy ciudad ti Laoag.
