LAOAG CITY – Inyalud-od pay ti Commission on Elections (Comelec) ti panangawatda ti forms ti local absentee voting.
Nakailanad iti Comelec Resolution 11120 a naiyalud-od ti deadlines ti panangawat ti agingga inton Marso 17.
Naiyalud-od daytoy kalpasan nga adu ti nagkiddaw manipud kadagiti nagduduma a government units, offices, agencies ken departments.
Inkonsiderarda pay iti obserbasion ti Holy Week manipud inton Abril 17 agingga iti Abril 20.
Malaksid iti daytoy, naiyalud-od pay ti panangberipikar dagiti local absentee voting manipud inton Abril 8 agingga iti 11.
Maisayangkat ti Local Absentee Voting manipud inton Abril 28, 29 ken 30 iti oras ti alas otso ti bigat agingga iti alas singko ti malem.
