LAOAG CITY – Pinaruk-atan ti Department of Environment and natural Resources (DENR) dagiti uppat a brahminy kites iti ili ti Paoay.
Segun ken ni Mr. Victor Dabalos, ti Provincial Environment and Natural Resources Office, ti nasao nga addang ket kas paset ti world wildlife celebration.
Inbatad ni Dabalos a gapu ta adun dagiti natiliw da a brahminy kites ket masapol a waya-wayaan da metten dagitoy.
Inlawlawagna a dagitoy a wildlife ket immuna a naipupok iti Fort Ilocandia ken naparuk-atan iti ili ti Paoay.
Innayon ni Dabalos a saan a liplipatan ti panangprotektar kadagiti wildlife ken saan a dangdangran dagitoy nu adda iti matiliw da.
