LAOAG CITY – Inlawlawag ni Mr. Victor Dabalos iti Provincial Environment and Natural Resources (PENRO) ti pakaipanan dagiti kayo a maputol manipod kadagiti lugar a madalapos dagiti nagduduma a proyekto.
Segun kenkuana, maidispose a nasayaat dagitoy babaen ti pannakaipaayna kadagiti pagadalan, Department of Social Welfare and Development ken dadduma a government offices.
Kunana a no adda dagiti maputol a kayo ket ipakaammoda ken iprayoridad da dagiti agkasapulan nangruna dagiti lugar a naapektaran ti bagyo gapu ta dagitoy dagiti kangrunaan nga agkasapulan.
Innayon na pay a no adda dagiti agkiddaw ti kayo ket mabalin da ti agsurat iti opisina da.
Nupay kasta, inbatad na a dagiti Aroo ket saan a napintas a para construction material gapu ta natangken daytoy, ken maus-usar laeng daytoy kadagiti pagminaan.
