LAOAG CITY – Inrakurak ni dati a Senador Manny Villar iti pannakadismaya na iti pannakaarestar ni dati a Presidente Rodrigo Duterte.
Iti maysa nga statement, inbatad ti dati a senador nga immunan a kinalikagoman na a maipaayan ni Duterte ti oportunidad a depensaan ti baguna kadagiti korte iti Pilipinas, iti babaen ti proteksyon dagiti linteg ti pagilian.
Dinakamat pay ni Villar a ti pannakaarestar ti dati a presidente ket maibilang a nasakit a pasamak.
Inpetteng na a nasakit a makita ti pada a Pilipino nga awan ti sabali nga inaramid na no saan a ti mangidaton ti bagina iti public service ngem innala ken kasoan ti maysa a foreign entity
Inpaganetget ti business tycon a ti dati a presidente ket maysa a nasayaat a pagayam nga inbukbuk na amin ti panawen na tapno pagserbian ti publiko.
Mamati ni Villar a mangiyuswat ti International Criminal Court ti patas a judicial proceeding ken protehiran na ti karbengan ti dati a presidente.
