LAOAG CITY – Nasurok a 200 a Venezuelans nga intudo ti White House a miembro ti gang ti indeportar ti Estados Unidos iti supermax prison iti El Salvador, iti baet a linapdan ti maysa a judge ti Amerika ti nasao nga addang.
Segun ken ni El Salvadoran President Nayib Bukele, umabot iti 238 a miembro ti Venezuelan gang Tren de Aragua ti simmangpet iti Central American country, pakairamanan ditoy ti 23 a miembro ti international MS-13 gang.
Saanen a nangipaay ti naan-anay a detalye ti gobierno ti Estados Unidos wenno ti El Salvador mainaig iti pakabigbigan dagit nasao a balud, karaman dagiti nakairamanan da a krimen ken no ania a gang ti pakaibilangan da.
Inbatad ti federal judge nga adda ti inparuk-at da a pammilin tapno lapdan ti panagpanawagan ti Trump administration ti centuries-old wartime law tapno maikalintegan ti sumagmamano a detainees ngem nagtayaben ti nagluganan da nga eroplano.
