LAOAG CITY – Makitaripnong ni Irish UFC fighter Conor McGregor ken ni United States President Donald Trump.
Segun ken ni White House press secretary Karoline Leavitt a maiyuswat daytoy kagiddan ti panangselebrar ti St. Patricks Day idiay Estados Unidos.
Basar iti dinakamat ni McGregor a panawenen a nasken a maammoan ti Estados Unidos ti mapaspasamak idiay Ireland.
Binabalawna ti pagilianda ken kunana nga awan ti tignay ken accountability ti nasao a pagilian.
Ti nasao a taripnong ket kagiddan ti panagbisita ni Irish Taoiseach Micheál Martin iti napalabas a lawas.
Nasaludsod ditoy no asino ti paborito nga Irish ni Trump ken dinakamatna ti nagan ti sikat nga Irish fighter.
