LAOAG CITY – Nangisayangkat ti Department of Trade Industry iti coastal clean-up drive iti Brgy. Caoacan ditoy ciudad ti Laoag kas paset ti selebrasyon ti World Consumers Day.
Segun ken ni Mr. Dominador Alberto, mangidadaulo iti Consumer Protection iti Department of Trade and Industry, nagkikinnamayyet dagiti residente iti nasao a barangay ken dagiti staff ti nasao a departamento tapno maitandudo ti environmental awareness.
Kunana a gagem ti aktibidad nga ipakita a dagiti consumer ket makatulong pay iti panangsalwad iti aglawlaw.
Kabayatanna, kalpasan iti coastal clean-up ket nangipaay pay dagiti empleado ti ahensya kadagiti pre-loved wenno alos nga arwaten ken gamit para kadagiti bumarangay.
Mangnamnama ni Alberto nga agtultuloy iti panagdalus ken panangtaripato ti aglawlaw uray awan iti kastoy a selebrasyon.
