LAOAG CITY – Naiget nga irekrekomendar ti Provincial Veterinary Office ti “No Touch Policy” kadagiti walang a dingwen.
Daytoy ti inbatad ni Dr. Loida Valenzuela kalpasan nga ado latta dagiti mairepreport a walang nga aso ken pusa.
Patien ni Valenzuela a dakkel ti maitulong dagiti barangay officials no mapaigetan pay ti panagmonitor da ken maipatungpal a nasayaat ti No Touch Policy.
Inlawlawag ni Valenzuela nga uray saanen a kasapulan ti dog pound laketdi anusan dagiti opisyal ti barangay a suruten dagiti walang a taraken agingga a makadanun da iti pagnanaedan da a balay.
Innayon ni Valenzuela a daytoy ti maysa kadagiti solusyon agsipod ta saan a kabaelan dagiti sumagmamanu a lokal a gobierno ti mangestablisar ti dog pound gapu ta nangina.
