LAOAG CITY – Agarup 25 a babassit a negosiante ti nakipaset iti trade fair nga insayangkat ti Department of Trade and Industry.
Segun ken ni Mrs. Amelia Galvez, Provincial Director ti Department of Trade and Industry, daytoy ket babaen ti pannakibinnulig ti Mariano Marcos State University kas paset ti Women’s Month Celebration.
Inbatad ni Galvez, gagem daytoy nga aktibidad nga itandudo dagiti lokal a produkto dagiti babbai a negosiante kangrunaanna ti inabel ken indigenous products.
Kabayatanna, naitampok ditoy ti food ken non-products nga inarak a saan laeng dagiti estudiante no di ket pakairamanan dagiti mangisursuro iti nasao nga unibersidad.
