LAOAG CITY – Dumanonen iti 25 nga indibidual ti natay iti naiwayat nga airstrike ti Israel iti Dar al-Arqam School a nagserbi a shelter iti northern Gaza.
Depensa ti Israel Defense Forces a ti nasao a lugar ket maipagarup a maus-usar a paglemlemmengan dagiti Hamas militants.
Basar iti Civil Defense Agency nga adda ti uppat a missiles ti timmama iti nasao a pagadalan.
Naammoan nga agarup 100 a tattao ti nasugatan iti nasao a panangraut ti Israel iti Dar al-Arqam School no sadinno a dua a pasdek ti naapektaran.
Iti uneg laeng ti maysa nga aldaw ket saan a bumaba iti 100 nga indibidual ti pimmusay iti panangraut ti Israel.
