LAOAG CITY – Kimmamada ni Anthony Edwards para iti Minnesota Timberwolves kalpasan a nakagun-od ti 37 points pakairamanan ti maysa a 3-point shots iti iskor a 114-109 kontra iti Philadelphia 76ers.
Iti baet ti nabara a laban manipud iti 76ers nga addaan ti 10-game losing streak, naala ti Timberwolves ti panagballigi iti tulong ti 18 points ni Edwards iti maikapat a kuarter.
Indauloanna iti maudi a paset ti ay-ayam pakairamanan ti maysa a 3-pointer a nangipaay iti Minnesota ti uppat a puntos a lamang.
Nakaaramid ni Rudy Gobert ti 24 points ken 19 rebounds para iti Timberwolves idinto a ni Julius Randle ket nangnayon ti 15 points ken ni Donte DiVincenzo ken nakaaramid met ti 13 points manipud iti bench.
Iti baet ti 28 points manipud ken ni Quentin Grimes ken 19 points ken ni Guerschon Yabusele, saan a umanay iti pannubok ti 76ers tapno maagawna ti balligi.
Nagtalinaed a napigsa ti namnama ti Timberwolves para iti NBA playoffs.
