LAOAG CITY – Nakasagana a mangiwayat ti European Union (EU) ti counter-measures kalpasan a nangipataw ti nangato a taripa ni United States President Donald Trump.
Inbatad ni European Commission President Ursula von der Leyen a daytoy ti nagbalin a katulaganda kadagiti sumagmamano a lider ti Europa.
Iti pannakisaritana ken ni United Kingdom Prime Minister Keir Starmer a nasken nga ituloyda ti pannakisarita iti Estados Unidos mainaig iti nasao a taripa.
Maipalagip a naruay a pagilian ti nangibales met ken nangipataw ti nangato a taripa kadagiti produkto nga aggapu idiay Estados Unidos.
