LAOAG CITY – Ipresentar ti prosecution team ti inisyal a written evidence nga addaan ti 8,565 a pinanid kontra ken ni dati a Presidente Rodrigo Duterte iti International Criminal Court (ICC).
Nupay kasta, segun ken ni International Criminal Court Prosecutor Karim Khan, ti nasao a written evidence ket inisyal paylaeng ken paset laeng daytoy dagiti ipresentar nga ebidensya apaman a madanun ti confirmation hearing.
Kuna na a manarimaan paylaeng ti panangrepaso ti prosecution team dagiti usaren da a material sakbay a naan-anay nga ipresentar dagiti pakabuklan nga ebidensiya iti Pre-Trial Chamber.
Malaksid kadagiti written documentary evidence ket adda pay dagiti non-written evidence nga iggem iti agdama. prosecution.
Segun pay ken ni Khan, adda pay dagiti visual ken audio-visual evidence nga ipresentar da no sadinno nga iti agdama ket bukbuklen daytoy ti siyam a ladawan ken dagiti video footage nga agpaot ti 19 nga oras.
Immunan nga inparuk-at ti prosecution ti 181 nga items a bukbuklen ti 2,787 a pinanid idi Marso 21 no sadinno a naipaayan pay ti kopya ti defense team ti dati a presidente.
Inpakaammo ni Khan a dagiti sumagmamano nga item nga ipresentar da ket dagiti non-witness documentary materials a namnamaen a maaddaan ti napateg a papel apaman a madanun ti confirmation hearing iti kaso ti dati a presidente.
