LAOAG CITY – Nagsagaba ti sugat iti nagduduma a paset ti bagina ti maysa a senior citizen a lalaki kalpasan a nahit-and run iti paset ti Airport road a paset ti Barangay 48-A, Cabungaan ditoy ciudad ti Laoag.
Naamoan a napasamak ti insidente kabayatan a magmagna ti biktima iti nadakamat a lugar.
Naitaray met a dagus ti biktima iti ospital para iti naan-anay a pannakataming na.
Iti agdama, agtultuloy ti imbestigasyon dagiti otoridad kangrunaan na ti pannakarebisar dagiti nakamuntar a CCTV iti lugar tapno maamoan no siasinno ti nakadungpar iti nasao a biktima.
