LAOAG CITY – Mangrugi intono Mayo 3 ti La Milagrosa Symphony of Lights wenno “light show” iti sangoanan iti kapitolio probinsial ken agngudo daytoy intono Hunio dos ita a tawen.
Segun kenni Provincial Tourism Officer Mr. Ianree Raquel, agpaut ti nasao a pabuya iti lima a minutos.
Inbatadna a ti nasao nga aktibidad ket paset iti La Milagrosa Provincial Fiesta a malukatan babaen iti maysa a dakkel nga aktibidad ti probinsia intono Abril 30 a pannakaisayangkat ti Miss Ilocos Norte.
Kuna na nga agtultuloy ti pannakaisayangkat dagiti nagduduma nga aktibidad intono Mayo babaen iti koordinasyon ti Diocese of Laoag.
Kabayatanna, inpakaammo ti Provincial Tourism Officer a maigiddan iti Provincial Fiesta ti panaghost ti probinsia iti Palarong Pambansa.
Kunana a manamnama a mangrugi nga agsangpet dagiti delegasyon iti katengngaan ti bulan ti Mayo wenno iti maikatlo a lawas ti Mayo.
