LAOAG CITY – Nagtalinaed a problema ti spaghetti wires wenno dagiti agbibitin a waya ditoy siudad ti Laoag.
Segun iti Presiding Officer ti Sangguniang Panlungsod ditoy siudad ti Laoag, nabayagen a kastoy ti mapaspasaran a problema ti nagduduma a barangay ditoy siudad.
Inbatadna a kabayatan ti pangbisitana kadagiti barangay ket naduktalanna nga iti paset ti Barangay 28 ket adda dagiti nakabitin a waya a mabalin a maguyod wenno masagid dagiti motorista a dumalyasat.
Inlawlawagna a narisgo daytoy nangruna no saan nga insigida a masolbar gapu ta makaitunda ti desgrasia.
Innayonna nga inkiddawna daytoy a banag kadagiti telecommunications company tapno mapatgan ken maisimpa iti kabiitan a panawen.
