LAOAG CITY – Kalikagum ti Sangguniang Panlungsod ditoy siudad ti Laoag a mangestablisar ti espasio wenno kabukbukudan nga opisina dagiti Sangguniang Kabataan wenno SK Officials iti uneg a sakupen ti Barangay Hall.
Segun ken ni Pambansang Pederasyon ng mga Sangguniang Kabataan President Hon. Michael Agustin, daytoy nga addang ket tapno adda ti kabukbukudan nga opisina wenno espasio dagiti Sangguniang Kabataan Officials iti maysa a barangay.
Mainaig iti daytoy, inpakaammona a kadagupan iti 80 a barangay ditoy siudad ti Laoag ket dumanon iti 61% wenno 76% ti awanan ti kabukbukudan nga opisina dagiti Sangguniang Kabataan Officials.
Inbatadna a ti pannakaestablisar iti daytoy a proyekto ket mangipasigurado nga adda ti espasio a pagtrabahoan ken mangipatungpal ti naruay a programa a pakabenepisiaran dagiti agtutubo.
Innayonna a babaen ti panangipaay iti daytoy a suporta ket mangipaay kadagiti Sangguniang Kabataan ti ad-adda nga epektibo ti panagserbida kadagiti komunidadda ken mangpataud iti pannakipaset dagiti agtutubo iti lokal a panagturay.
