LAOAG CITY – Umabot iti agarop 100 nga aplikante ti nahired-on the spot iti naisayangkat a job fair kas paset ti selebrasyon ti Labor day iti dakkel a mall iti ili ti San Nicolas.
Naamoan a dagiti nasao nga aplikante ket mabalin danton ti agreport a dagus kadagiti inaplikaran da a trabaho kalpasan a ma-secure da amin dagiti requirements da.
Kabayatanna, naiyawat ti ceremonial cheque para iti livelihood program dagiti benepisyaryo manipod iti Department of Labor and Employment a kinabinnulig ti gobierno probinsyal.
Naamoan a dagiti benepisyaryo ket manipod iti nagduduma a kategorya, karaman ditoyen ti 45 a nagannak dagiti child laborers a naipaayan ti rice retailing ken agri-business nga agbalor ti 999, 276 a ribo a pisos manipod iti ili ti Vintar.
Adda met ti 112 a minimum wage earners ken seasonal earners manipod iti ili ti Bacarra a naipaayan ti livelihood packages to Individual Beneficiaries nga agbalor ti 3.3 milyon a pisos.
Malaksid kadagitoy ket nakaawat pay ti maysa a minimum wage earners ti sari-sari store with frozen goods nga agbalor iti 40 ribo a pisos.
