LAOAG CITY – Inbabawi ti Department of Finance (DOF) ti nailungalong a linteg a mangipangato ti buwis iti capital gains, donor’s, ken estate tax manipod 6% agingga iti 10%.
Ti nailungalong a GROWTH Bill wenno Government Revenues Optimization through Wealth Tax Harmonization ket naibabawi kalpasan nga ibilang ti Department of Finance a saanen a kasapulan ti nayun a buwis gapu ta natalged ti sitwasyon dagiti pondo ti gobierno.
Segun ken ni Finance Secretary Ralph Recto, ti koleksyon iti buwis ket dimmur-as ti 13.55% iti umuna a kwarter ti 2025.
Inpsingked ni Recto nga agtultuloy ti panangtutuk da kadagiti non-tax revenue sources ken dagiti addang kas ti CREATE MORE Act ken Public-Private Partnership (PPP) Code tapno mapapigsa dagiti panagpuunan ken mapastrek ti gobierno.
