LAOAG CITY – Gutgutiguten ti Department of Trade and Industry ti Micro Small Medium Enterprises wenno dagiti babassit a negosyo ditoy probinsya a pagbalinen a competitive dagiti produkto da.
Inbatad ni Provincial Director Amelia Galvez iti Department of Trade and Industry a tapno saan a mauma dagiti aggatang ket masapol a makapanunot dagitoy ti napinpintas ken patok a produkto para iti kaadoan.
Kuna na pay a masapol a makigiddan dagiti babassit a negosyante iti panagbalbaliw ti panawen tapno adda latta ti pamastrekan da.
Innayon na nga adda met dagiti programa nga ididiaya da tapno matulungan dagiti babassit a negosyante a mangpalawa ti negosyo da ken saan a malipatan dagiti tattao dagiti lokal a produkto kas kadagiti naaramid babaen ti inabel.
