LAOAG CITY – Naglippasen ti ay-ayam ni Pinay Tennis star Alex Eala iti Internazionali BNL d’Italia idiay Rome.
Daytoy ket kalpasan nga inabak isuna ni Marta Kostyuk ti Ukraine iti iskor a 6-0, 6-1 iti umuna a round ti torneo.
Gapu iti daytoy, naglippasen ti ay-ayam ni Eala iti WTA 1000 tournament ken sagsaganaanna laengen ti French Open.
Dimmanon laeng ti 10 a minuto ti ay-ayam no sadinno a lamang ti Ukrainian iti ay-ayam.
Nagbalin a napigsa ti world number 27 kadagiti serves isu a saan a kinabaelan ni Eala nga adda iti world number 70.
Sumaruno a makalaban ni Kostyuk ni Leylah Fernandez ti Canada.
