LAOAG CITY – Inrakurak ni P/Lt.Col. Benigno Sumawang, pannakangiwat ti Police Regional Office I nga adda ti dua a kaso ti maipagarup a vote buying ditoy probinsia.
Segun kenkuana, karaman ditoy iti ili ti Paoay ken ditoy siudad ti Laoag a manarimaan ti pannakaberipikarna.
Malaksid iti daytoy, kunana nga adda pay ti nairekord a maipagarup a vote buying iti ili ti Narvacan ken Tagudin idiay Ilocos Sur ken iti siudad ti Dagupan idiay Pangasinan.
Inlawlawagna a sumagmamano a kaso mainaig iti vote buying ket naipursige ken napilaan ti kaso dagiti maseknan nga indibidual idinto a dagiti dadduma ket manarimaan pay laeng ti pannakaimbestigarna.
Kabayatanna, basar iti inisyal a datos iti opisinada ket adda ti 88 ti nakumpiskar a nagduduma a klase ti paltog ken 89 nga indibidual ti naarestar gapu iti panaglabsingda ti COMELEC Gun Ban.
