LAOAG CITY – Inpasigurado ni Vice President Sara Duterte a nakasagana daytoyen para iti umadanin nga impeachment trial aniaman ti agbalin a resultana.
Ti rakurak ket inaramid ni Vice President Sara kalpasan a nagbutos para iti 2025 National and Local Elections idiay Davao City.
Segun kenkuana, aniaman ti mapasamak, guilty wenno acquittal isuna ket sisasagana a sangoen ti agbalin a resulta.
Inbatadna nga inpabus-oynan kadagiti abugado ti amin a panagsagsagana para iti impeachment case-na iti Senado.
Nupay kasta, isursurona kadakuada ti umiso a dana.
Basar iti inisyal a timetable nga inruar ni Senate President Francis Escudero, naikeddeng ti tentative a panangrugi para iti impeachment trial ni Vice President Sara inton Hulio 30.
