LAOAG CITY – Manamnama nga addan ti madutukan a baro a doktor ti Rural Health Unit iti ili ti Solsona iti sumaruno a lawas.
Inbatad ni Mayor Joseph de Lara iti ili ti Solsona a manarimaanen ti pannakaiproseso dagiti dokumento ti nasao a doktor.
Segun ken ni de Lara, ti nasao a doktor ket manipod iti probinsya ti La Union.
Inpasigurado met ti mayor nga agtultuloy ti pannakaipaay ti serbisyo medikal para kadagiti umili.
Maipalagip nga ado dagiti agrekreklamo a residente gapu iti kaawan ti doktor iti Rurak Health Unit ken kasapulan paylaeng nga agturong da iti kabangibang nga ili.
Immunan nga inadmitir ni Vice Mayor Jonathan de Lara a marigatan da gapu iti kaawan ti Municipal Health Officer iti ili ti Solsona.
Nabakantean ti nasao a posisyon kalpasan a nagretiro ni Dr. Ruth de Lara idi Pebrero ita a tawen.
