LAOAG CITY – Inpakaammo ni Dr.Rodrigo Catcatan, mangidaulo ti City Health Office (CHO) addan ti doctor iti Rural Health Unit (RHU) 2 ditoy siudad ti Laoag
Kunana a daytoy a napili ket ni Dr. Rick Matcho nga isu ti agserbi iti Rural Health Unit (RHU) 2.
Segun kenkuana, kompleton dagiti doktor kadagiti Rural Health Unit (RHU) ngem no maibasar iti populasion ditoy siudad ket napateg kuma nga adda ti uray 6 a doctor kadagitoy.
Mainaig iti daytoy, kunana a no maipanggep kadagiti pasilidad ken ramit nga usaren iti Rural Health Unit (RHU) ket awan iti aniaman nga agbalin a problema kadagitoy no sadinno nga impasiguradona pay a nakasagana latta ti Rural Health Unit (RHU) a mangakomodar kadagiti pasiente para iti serbisio medikal.
