LAOAG CITY – Nakita ti bangkay ti maysa a lalaki iti kapagayan iti Barangay Laureta iti ili ti Solsona.
Ti biktima ket agtawen ti 26 ken residente iti nasao met laeng a barangay.
Segun iti maysa kadagiti kabagian ti biktima, naginumda kaduana ti biktima iti pagtaenganda ngem kalpasanna ket nagturong ti biktima iti pagtaengan ti pagayamna.
Inbatadna a kabayatan ti panangiturong ti biktima iti kurong-kurongna ket natnag daytoy iti kapagayan.
Insigada nga intaray ti Solsona Municipal Police Station ken ti Rural Health Unit ti biktima iti Piddig District Hospital.
Basar iti insayangkat a post mortem examination ni Dr. Cherry Laguatan a natay ti biktima gapu iti pannakalmesna ken awan ti foul play ti napasamak.
