LAOAG CITY – Dinutukan ni Pope Leo XIV ni Cardinal Luis Antonio Tagle kas baro a titular ti Albano, maysa a suburbicarian diocese a dati nga iggem mismo ti Santo Papa sakbay daytoy a naelektaran.
Ni Tagle ng agdama a pro-prefect ti Dicastery for Evangelization ti nangsukat ken ni Pope Leo a dati a ni Cardinal Robert Prevost nga akin-iggem ti titulo a cardinal bishop ti Albano manipud idi Pebrero 2025.
Naammoan a sakbay a naelektaran kas Santo Papa, nagserbi ni Leo kas prefect ti Dicastery for Bishops iti babaen ni Pope Francis.
Masarakan iti ruar ti Roma ti Diocese ti Albano a maysa kadagiti pito a suburbicarian sees a pakasaritaan mainaig kadagiti cardinal bishop ti kangatoan a tukad iti uneg ti College of Cardinals.
Mainaig iti daytoy, sakbay a nadutukan kas titular ti Suburbicarian Church of Albano, nagserbi ni Tagle kas cardinal priest ti Simbaan ti San Felice da Cantalice iti Centocelle manipud idi 2012.
Kabayatanna, idi 2022 ket inyetnag ni Pope Francis ti responsibilidadna iti tukad ti cardinal bishops ken nadutukan iti kapada a titular a simbaan.
