LAOAG CITY – Inadmitir ni Department Education Secretary Sonny Angara a saan a nagbalin a napintas ti nagbalin a pannakaipatungpal ti Senior High School ditoy pagilian iti napalabas a dekada.
Inbatadna a daytoy ket kalpasan nga adu ti nagbalin a subjects ken saan a naaddaan ti gundaway dagiti estudiante a makapili ti subjects.
Gapu iti daytoy, kunana a balbaliwan ti Senior High School curriculum kadagiti sumurok 800 a pagadalan nga addaan ti pilot implementation.
Inpaiman ni Angara iti Kongreso ti desision no naan-anayen nga isardeng ti pannakaipatungpal ti Senior High School.
Immuna iti daytoy, inlungalong ni Senador Jinggoy Estrada ti addang para iti pannakaikkat ti Senior High School kalpasan a saan met a natungpal ti gagem ti gobierno para iti programa.
