LAOAG CITY – Nangiyuswat ti Department of Labor and Employment (DOLE) ti konsultasyon kadwa da dagiti stakeholder manipud iti sektor ti manufacturing, construction, ken agriculture iti Visayas ken Mindanao kas paset ti kampanya kontra iti child labor.
Natratar iti nasao a konsultasyon dagiti suhestiyon no kasanu a mapasayaat ti maipatpatungpal a pagannurutan tapno masigurado ti kinatalged ken legal a proteksyon dagiti ubbing.
Gagem daytoy a rebisaren ti Department Order No. 149 a mangestablisar kadagiti narisgo a klase ti trabaho para kadagiti menor de edad.
Kas iti naisayangkat a konsultasyon iti Luzon, nakipaset meet ditoy dagiti eksperto manipod iti Bureau of Workers with Special Concerns, Bureau of Working Conditions, Institute for Labor Studies, Occupational Safety and Health Center, ken International Labor Organization (ILO), tapno mangipaay ti naun-uneg a pannakaammo iti panangbukel kadagiti pagalagadan para iti pagimbagan dagiti agtutubo.
