LAOAG CITY – Addan ti baro a doktor iti Rural Health Unit iti ili ti Solsona.
Daytoy ti naragsak nga inpakaammo ni Vice Mayor Jonathan de Lara iti ili ti Solsona.
Inlawlawag ni de Lara a nabayag nga awan ti doktor iti Rural Health Unit iti nasao nga ili isut gapuna a dagiti agkasapulan ti serbisyo medikal ket agturturong da kadagiti kaparanget nga ili kas iti Dingras ken Piddig.
Inpakaammo ni de Lara a ti nadutukan a doktor iti ili da ket ni Dr. Renzie Godfrey Magpali, taga probinsya ti La Union ngem nagserbi kas Doctor to the Barrio ditoy Ilocos Norte.
