LAOAG CITY – Agrikep dagiti sumagmamano a pasdek negosio idiay Qatar ti tallo nga aldaw kalpasan ti inwayat a missile attack ti Iran iti base militar ti Estados Unidos iti nasao a pagilian.
Segun ken ni Bombo International News Correspondent Hiedy Gay Visario manipud idiay Qatar, malaksid iti daytoy ket naruay pay dagiti saan a sumrek kadagiti pagtrabahoanda gapu iti panagamakda.
Inbatadna nga awan pay unay dagiti lugan a dumaldalyasat kadagiti kalsada.
Gapu iti daytoy, kunana nga awan dagiti delivery rider a mabalin a mangipatulod kadakuada kadagiti kayatda a gatangen a taraon wenno dagiti kangrunaaan a banag a kasapulanda.
Innayonna a mangnamnama a naan-anayen nga agsardeng ti riribuk iti pagilianda iti kabiitan a panawen.
