LAOAG CITY – Dumanon iti sumurok 11 a milyon a pisos ti balor dagiti farm machineries a naibunong kadagiti 50 a registered farmers association ken kooperatiba iti ili ti San Nicolas.
Daytoy ket indauloan ni Mayor Mike Hernando ken inimatangan dagiti opisial ti ili ken dagiti mangidadaulo kadagiti departamento a maseknan.
Naammoan a ti pundo ket aggapu iti Republic Act No. 7171 a bingay iti nasao nga ili.
Segun iti Mayor, daytoy nga addangda ket paset pay laeng ti kalikagum ti ili a pasantaken iti benneg ti agrikultura iti nasao nga ili gapu ta ibilangna a dagitoy ket backbone iti ekonomia iti nasao nga ili ken paset ti agriculture modernization.
