LAOAG CITY – Maiyuswat ti Turnover Ceremony ti outgoing ken incoming Mayor ditoy siudad ti Laoag iti Conference Room inton bigat, Hunio 26 iti oras ti alas nuebe.
Segun ken ni Ms. Chariz Garma, mangidadaulo ti Department of the Interior and Local Government ditoy siudad ti Laoag, ditoy a maiprisentar ti Governance Assessment Report basar iti kaudian a Seal of Good Local Governance.
Inbatadna a matalantan ti financial status ti lokal a gobierno babaen ti Local Finance Committee.
Kunana nga ilawlawag ti mangidadaulo ti Human Resources Office ti organizational structure ken manpower compliment.
Inlawlawagna nga ibinsa-binsa ti City Planning Officer dagiti agdama a maipatpatungpal a proyekto ditoy siudad.
Mainaig iti daytoy, adda ti maisayangkat nga open forum a mangipaay ti gundaway nga agsaludsod maipanggep kadagiti dokumento.
Kabayatanna, manamnama a mangipaay ti mensahe da outgoing Mayor Michael Marcos Keon, Vice Mayor Rey Carlos Fariñas ken ni incoming Mayor James Bryan Alcid.
