LAOAG CITY – Saan a makiraman ti Estados Unidos ti aniaman a problema ti North Korea.
Segun ken ni United States President Donald Trump nga urnosenna ti problema iti North Korea nangruna ket napintas ti relasionda idi ken ni North Korean leader Kim Jong Un.
Saan met a kinumpirmaran ni Trump no nangisubmitir daytoy ti surat ken ni Kim iti kallabes.
Basar iti impormasion, sumagmamano a daras a nagkedked dagiti delegasyon ti North Korea iti United Nations ti panangawat ti surat manipud ken ni Trump.
Naammoan a tallo a summit ti insayangkat da Trump ken Kim idi umuna a termino ti United States leader ngem saan a naipursige ti panagsinnarita ti dua a lider gapu iti pananglapped ti Estados Unidos iti nuclear program ti Pyongyang.
Iti maikadua a termino, inadmitir ni Trump a maysa a “nuclear power” ti North Korea ken silulukat daytoy ti maminsan manen a pannakikoordinarna ken ni Kim.
Nupay kasta, pinalawa ti North Korea dagiti armas dagitoy ken nakikappeng iti Russia no sadinno a nangipaay ti tropa ken armas para iti gubat ti Moscow iti Ukraine.
